...ဟာဂျူလီ(ကသာ)



ထမင်းကြမ်းပဲ စားတော့မယ်..(ဟာဂျူလီ-ကသာ)

ထမင်းကြမ်းပဲ စားတော့မယ်..(ဟာဂျူလီ-ကသာ)
ဒီကနေ့ ကသာမှာ ဂရိတ်ဝေါဦးတင်မောင်နဲ့ ထူးကုမ္ပဏီဦးတေဇတို့ရဲ့ အာဏာပိုင်နဲ့ ပေါင်းပြီး လယ်သိမ်းခြင်းခံရတဲ့ ထီးချိုင့်မြို့နယ်ထဲက လယ်သမား(၁၅၀)လောက် ဆန္ဒပြကြပါတယ်၊ သူတို့ကို အင်တာဗျူးး သွားရင်း သိခဲ့ရတာက လွန်ခဲ့တဲ့၆/ရ/၁၀နှစ်တွေတုန်းက သိမ်းခံခဲ့ရတာတဲ့၊ တစ်ဧကကို တစ်နှစ်ငှားရမ်းခ ၅သိန်းလောက် လယ်ဈေးပေါက်တဲ့အချိန်မှာ အချို့ကို အလကားသိမ်း၊ အချို့ကို ၆သောင်း ၇သောင်းလောက်သာပေးပြီး ၀ယ်ခဲ့ကြတာပါ၊ ဒီဈေးနဲ့ မရောင်းရင် အလကားသိမ်းမယ်ဆိုလို့ ရောင်းခဲ့ကြ ရတာပါ၊သူတို့တတွေဟာ လယ်စိုက် ကြံစိုက်လောက်သာ လုပ်တတ်ကြတော့ သူတို့ နှစ်(၂၀)လောက် လုပ်လာတဲ့မြေကို မရောင်းချင်ကြဘူး၊ မရောင်း မဖြစ်လို့ မတန်မရာဈေးနဲ့ ရောင်းလိုက်လို့ ရလာတဲ့ငွေ ဆိုတာကလည်း မလုပ်တတ် မကိုင်တတ်နဲ့ တစ်နှစ်အတွင်း ကုန်ကုန်ကြပါလေရော၊ ဒီတော့ အရင်က ဘိုးစဉ်ဘောင်ဆက် ကြံတောင်သူတွေ လယ်ပိုင် ယာပိုင်တွေ ဟာ အခုလက်ရှိမှာတော့ လယ်ကူလီတို့၊ သူရင်းငှားတို့၊ သက်ကယ်ပျစ်တို့ ဖြစ်ကုန်ကြရရှာပါတယ်၊ အားလုံးမှာ တူညီတဲ့အချက်ကတော့ သူတို့ရဲ့ သာသမီး မြေးမြစ်တွေကိုလယ်သိမ်းခံရကတည်းကကျောင်းတွေက ထုတ်ပစ်လိုက်ကြရတာပါပဲ၊ (ဒီခရိုနီတွေ ပညာရေးရံပုံငွေဆိုပြီး လူကြား ကောင်းအော် ငွေလှူပြတာကိုလည်းရယ်ချင်စရာပါ) အဲဒီထဲက ဦးမှတ်တင်ဆိုတဲ့သူဟာ အသက်(၆၀)ရှိပြီး ၀န်တင်ကုန်း ကျေးရွာကပါ၊ အရင်ကတော့ သူလည်းလယ်(၁၈)ဧကပိုင်ခဲ့တဲ့သူဖြစ် ပါသတဲ့၊ အခုတော့ လယ်မဲ့ ယာမဲ့နဲ့ အိမ်သာကျင်း တူးပြီး ဘ၀ကိုရုန်း ကန်နေရရှာပါတယ်၊ကျန်းမာရေးကလည်းမကောင်းဦးထုပ်တို့ဖိနပ်တို့ ကလည်းမပါဆိုတော့ စီတန်းလှည့်လည်လို့ (၁၀)မိနစ်လောက်မှာပဲ ဆက်မလိုက်တော့တဲ့အတွက် စေတနာရှင်လူငယ်လေးကဆိုင်ကယ် နဲ့ တင်ခေါ်ပေးခဲ့ရရှာပါတယ်၊ အဲဒီဖြစ်စဉ်လေးကိုကြည့်ပြီး ဦးတင်မောင်တို့ ဦးတေဇတို့တတွေအကြောင်း တွေးဖြစ်သွား ပါတယ်၊ သူတို့တတွေ ထမင်းကို ဆီဦးထောပတ်နဲ့ စားနိုင်ဖို့ ဆင်ရဲသားတွေရဲ့ ထမင်းလုတ်ကို ပုတ်ချ လုယူရဲတဲ့ သတ္တိကိုလည်း ချီးကျူးလိုက်မိပါရဲ့၊ဒီလို လုပ်ရဲဖို့ဆိုတာ တော်ရုံသတ္တိနဲ့ မလုပ်ကိုင် ရဲကြပါဘူး၊ ကျွန်တော်သာဆိုရင် လုပ်ရဲဖို့နေနေသာသာတွေးတောင် မတွေးရဲလောက်အောင် သတ္တိနည်းပါးလှပါတယ်၊ ဒီတော့ ဂရိတ် ဝေါဦးတင်မောင်၊ ထူးကုမ္ပဏီဦးတေဇ နဲ့ လယ်သိမ်းယာသိမ်းရေးမှာ ပါဝင်ပတ်သက်ခဲ့တဲ့ သူတွေကိုအလွန့် အလွန် ချီးကျူးဂုဏ်ပြုပါကြောင်း မှတ်တမ်းတင်လိုက်ရပါတယ်ခင်ဗျာ...။(ဟာဂျူလီ-ကသာ) https://www.facebook.com/herjulekatha

Original from: http://alinshin.blogspot.com/2014/12/blog-post_12.html?m=1
မူရင်းစာဆိုရှင် -->>ဘဒ္ဒ န္တကောဝိဒ(အလင်းရှင်)

Share on Facebook

by herjulekatha
View 79 times
Posted Date April 21, 2017, 10:39 am
Modified Date April 21, 2017, 10:39 am


Term and Conditions
Contact Us

© 2017 herjulekatha.com
All rights reserved